Mavingu 12:17 - Bhiblia Yo Sawuleka

¹⁷ Awule a wombako ditshuri a kombisa wululamo, aniko fakazi ya makuhu ya kanganyisa.

Mavingu 12:17 Referans Kwoze

Mavingu 14:25

Wufakazi wa ditshuri wa txhatxhisa mimoya ya vathu, aniko awule a ku ni siwombawomba mkanganyisi.

Mavingu 14:5

Fakazi ya ditshuri kha yi na kuhemba, aniko fakazi ya makuhu yi wombawombela makuhu.

Mavingu 24:28

U nga fakaze ta kwa mbi tiziva, u wukela mwakelani wako; nguko u na mkanganyisela txani ngu txisofu txako kani?

Mavingu 6:19

wufakazi wa walo wo womba-womba makuhu, ni wule a phayako mazunga ka vanawe.

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Mavingu 21:28

Fakazi ya makuhu yi na lova, aniko m'thu wule a engisako, a womba-womba ngu kutsana.

Mavingu 19:28

Fakazi ya Bheliyali yi tseketsela wululamo, se txisofu txa muonhi txi mita wubihi.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Mithumo 6:13

Se ve humisa tifakazi ta makuhu, ati ti nga womba ti txi kha tona: M'thu wuwa, kha leki kuwombawomba timhaka ti ti poyilako Wukhalo wo sawuleka ni Mlayo;

Matewu 26:59

Vaphaxeli va hombe ni dotshe dibanza va to lava wufakazi wa makuhu ha mmidi ka Jesu, kasiku e mana kudawa.

Mavingu 12:16

Kuhenya ka txiphukuphuku kha ku sweli kuzivaneka, aniko awule wo txhariha wa sisa tingana.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.