Mavingu 12:14 - Bhiblia Yo Sawuleka

¹⁴ Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Mavingu 12:14 Referans Kwoze

Mavingu 13:2

Mmweyo ni mmweyo ngu mihando ya txisofu txakwe, a na dya wunene, aniko moya wa vakanganyisi wu na dya timboyinga.

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Vahebheru 11:26

Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo.

Vahebheru 2:2

Nguko, ngako dipswi di di nga wombwa ngu tingelozi ka vatate vathu di di tsani, ngako kambe kotshe kundaka ka mlayo ni kotshe kueyisa kudimani txitsayiso txi txi dinganako,

Jobe 34:11

Nguko, txi tshumetela m'thu, madingano ni mithumo yakwe; txi maha ti to m'thu ni m'thu e mana, madingano ni dihanyo dakwe.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Mavingu 14:14

M'thu wa mbilu yo mbi thembeka a na kolwa ngu tinzila takwe, aniko m'thu wamnene, a na ti khurisa apune.

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.