Mavingu 12:13 - Bhiblia Yo Sawuleka

¹³ Mlawu wa muonhi wu ka mapswi o hambana a txisofu txakwe, aniko m'thu wo lulama a na huma kuxanisekani kwakwe.

Mavingu 12:13 Referans Kwoze

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 11:8

M'thu wo lulama wa txhatxhiswa kuxanisekani kwakwe, se muonhi e sala wukhaloni kwakwe.

Masalmo 64:8

va na wiswa tingana ngu mapswi awe mapune se avale va no va wona va na va tseketsela.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Mavingu 6:2

u tandeka ka mapswi a txisofu txako, tile u nga thembisa ngu mapswi a txisofu txako.

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Ekleziyaste 7:18

Ndinene ku u txi ti veketa eto, kambe u nga thavise dianza dako ka tona; nguko awule a thavako Txizimu wa huluka ka totshe eto.

Matewu 27:25

Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Masalmo 5:6

wa fuvisa ava i ku vamakuhu. Wa nyenya sigevenga ni vakanganyisi.

1 Vafumeli 2:23

Se mfumeli Solomoni a to xambanya ngu Mkoma, a txi khene: “Txi na ni mahe toneto Txizimu, ni kupinda, ngako Adhoniya a sa womba toneto ngu wutomi wakwe.

2 Samuwele 4:9

Kambe Dhavhidha, a txi xamula ka Rekabhi ni ka Bhahana, mwanawe, vanana va Rimoni, mubheyerote, a to khene kwawe: A na hanye Mkoma wule a nga txhatxhisa muhefemulo wangu ka otshe makhombo,

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Masalmo 59:12

Ngu txionho txa txisofu txawe, ni dipswi da txisofu txawe, va sungwa ngu kutikulisa; kumweko ni wubihi ni makuhu va ma humisako.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Masalmo 34:20

Mkoma wa vekisa otshe marambu awe: Ni da dimwedo kha di na mbi funywa.

Masalmo 59:13

Va daye, va fuvise kuhenyani kwako, kasi ku va si swi ve hanya! Va na ti zive tito, Txizimu txa fuma ka va ka Israyeli, ni ti to txona txa fuma, ka dotshe ditiko!

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.