Mavingu 12:11 - Bhiblia Yo Sawuleka

¹¹ Awule a dimako mafu akwe a na khura ngu sakudya, aniko awule a londetelako mikara kha nga ni mapimo.

Mavingu 12:11 Referans Kwoze

Mavingu 28:19

Awule a dimako mafu akwe, a na khura ngu sakudya, kambe wule a londetelako ta walo, a na talelwa ngu wusiwana.

Mavingu 14:23

Ka yotshe mithumo ku ni dibhindu, aniko mapswi a txisofu ma yisa wusiwanani.

Masalmo 128:2

U na dya mihando ya manza ako, u na kateka, se totshe tako ti na tsimbila kwati.

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

2 Vatesalonika 3:8

Hagari kwanu, kha ha hanyisa wukara, kambe kha ha dya sakudya sa m'thu mahala, aniko hi thumile wusiku ni mitshikari, ngu kukhutala ni kukarateka, kasiku hi si nemeti ni wammweyo kwanu.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Mavingu 14:4

Ku si nga ni tihomu, txisangala txi zumba diphanga, aniko ngu mtamo wa homu, kuho kuelula ko pfuna.

Mavingu 7:7

ni rumarumete hagari ka siphukuphuku, ni tumbute hagari ka vavaphya, dijaha dimwedo do kelelelwa ngu mapimo,

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Mavingu 6:32

Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe.

Mavingu 9:16

Awule i ku txiphukuphuku a na rendekele kheno. Se ka vale vo pwata mapimo wu kha wona:

Mavingu 9:13

Wamsikati wa txiphukuphuku mbwa diguwa; njiphukuphuku, kha zivi txilo ni txa tximwetxo.

Masalmo 26:4

Kha ni zumbi ni va va randako makuhu, kambe kha ni tsimbili ni vakanganyisi.

Valamuli 9:4

Se va to mninga mtxhanu wa magumi ni mambidi a maxekele a silivhela, ma nga ti dithepeleni ka Bhahali-Bheriti, se Abhimeleki a to thumisa maleyo, kasi kuthola ngu yona migewu yokari ya mahanyelo a kwa mbi na ditshuri, ve ema nayo, va txi mlondeta.

Jona 2:8

Avale va ti ningetetelako ka ti ti si vhuniko txilo, va leka wumbilu wa Mkoma vapune.

Mavingu 27:27

Se ku na maneka masi amangi a tiphongo kasi ku u txi dya, u dyisa mwaya wako, ni kudyisa sithumi sako sa txisikati.

Mavingu 13:23

Thembweni ka txisiwana ka pfuna sakudya, aniko vaho vokari va xanisekako ngu kupwata mapimo.

Mavingu 20:13

U nga rande wukohe, kasi ku u si ti wuleti wusiwanani; tula maso ako, u na so khura ngu dipawu.