Mavingu 11:7 - Bhiblia Yo Sawuleka

⁷ A txi fa m'thu wule i ku muonhi, ni themba yakwe yi fite, ni themba ya wubihi ya mwalala.

Mavingu 11:7 Referans Kwoze

Mavingu 10:28

Themba ya vo lulama ngu litsako, aniko kuverela ka vo biha ku na lova.

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Masalmo 146:4

Ngako wu txi huma moya wawe, va hinduka ve maha lithulu la mafu; ka donedo ditshiku makungo awe ma guma.

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Mavingu 11:8

M'thu wo lulama wa txhatxhiswa kuxanisekani kwakwe, se muonhi e sala wukhaloni kwakwe.

Mavingu 10:29

Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.