Mavingu 11:31 - Bhiblia Yo Sawuleka

³¹ Wona taku m'thu wo lulama wa tsayiswa ha mafuni; ngutu-ngutu m'thu wo biha, ni muonhi.

Mavingu 11:31 Referans Kwoze

Jeremiya 25:29

Nguko hi nga wonani didhoropa di di dhanwako ngu ditina dangu, na khata ku di tsayisa; ina anu mi na lekwa mi si tsayiswi kani? Kha mi na mbi divalelwa, nguko ni na xomisa ditxhari, di na peka votshe vazumbi mafuni, kuwomba Mkoma wa Mabutho a Tiyimbi.

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.

1 Vafumeli 13:24

A to khukha, se e manwa ngu ngonyamo hanzila yi m'daya; se txirumbi txakwe txi ti ko pswakata hanzila, se mbongola yi di emile hafuhi nayo, ngonyamo yi di hafuhi ni txirumbi.

2 Samuwele 22:21

Mkoma a ni hakete madingano ni kululama kwangu, madingano ni kusawuleka ka manza angu a ni tshumetete.

2 Samuwele 22:25

Se Mkoma a ni tshumetete madingano ni kululama kwangu, ni madingano ni kusawuleka kwangu masoni kwakwe.

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.

Mavingu 26:10

Awule a tumelako kuthumelwa ngu siphukuphuku ni ku si holela, a fana ni wule a fulako votshe vathu ngu wulaho.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Ezekhiyele 44:10

Kambe va ka Levhi vale va nga ya kule ni nani, mbimo yile Israyeli i nga ti mpepeseki, va nga ti ti maneka va di hambukile, ve hambana ni nani, va txi londetela sithombe sawe, evo va na rwala wubihi wawe vapune.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.