Mavingu 11:28 - Bhiblia Yo Sawuleka

²⁸ Awule a thembako ka tithomba takwe a na wa, aniko vo lulama va na fana ni mwasi wo nakana.

Mavingu 11:28 Referans Kwoze

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Jeremiya 17:8

Nguko a na fana ni mndonga wu wu nga phawa hafuhi ni mati, awuwa mitwi ya wona yi navako kala matini. Hambi kuva ni lisani kha wu thavi, aniko mazokoro a wona mo simama me nyuka. Kha wu karateki hambi i di dilembe do mbawa mati, hambi kuleka kuveleka mihando.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Mavingu 10:15

Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.

Masalmo 49:6

Vona va themba tithomba tawe, va ti kukumukisa ngu suma si va ku naso.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’