Mavingu 11:24 - Bhiblia Yo Sawuleka

²⁴ Vaho vale va hangaliselako, aniko ve engetelwa kambe; ni vamwani va sengeletelako kupinda fanelo, aniko ve luzekelwa ngutu.

Mavingu 11:24 Referans Kwoze

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Luka 6:38

Hanani vamwani, kasiku na nanu mi na hiwa. Ha tikhanani kwanu ku na thelwa mpimo wa wunene, wo zindetwa, wu txi khusungelwa, wo tala wu txi thekela; nguko mpimo wu mi no pimela vamwani, ngu wonewo nanu mi no pimelwa ngu wona.”

Dhewuteronome 15:10

M'ninge ngu kutxhatxheka, ni mbilu yako yi nga kanakane, nguko ngu mhaka ya toneto, Mkoma, Txizimu txako, a na kukatekisa, ka yotshe mithumo yako, ni yotshe mithumo ya manza ako.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Mavingu 11:18

Muonhi a amukela hakhelo ya wukanganyisi, aniko ka wule a phayako wululamo, ku nava ni hakhelo ya yinene.

Mavingu 28:8

Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

Mavingu 11:23

Vathu vo lulama va navela wunene dwe, aniko themba ya vaonhi ngu kuhenya.

Mavingu 11:25

Moya wa wuha wu na ena, ni wule a theletelako mati, nene a na theletelwa.

Mavingu 13:7

Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.

Mavingu 28:27

Awule ahako txisiwana, kha na mbi kelelelwa, kambe wule a pfhumisako maso, a na va ni kuxaniseka ka hombe.

2 Makronika 31:10

Se Azariya mphaxeli wa hombe wa nyumba ya Zadhoki a to mu gela a txi khene: Kukhukhela mbimo ayi va nga khata ngu yona kuningela mningelo Nyumbani ka Mkoma, hi dyite, hi khura si tshumela si sala sakudya sasingi, nguko Mkoma a katekisile vathu vakwe, se ngu mamahelo eyo ku to sala sakudya sasingi ngutu.

Malakiya 3:8

Ina m'thu a nga pela Txizimu kani? Hambi keto anu ma ni pela, mi khanu: Hi kupela ngu txani kani? Ka sa wugumi ni miningelo.