Mavingu 11:13 - Bhiblia Yo Sawuleka

¹³ M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.

Mavingu 11:13 Referans Kwoze

Mavingu 20:19

M'thu wo tolovela malengo, wa humisa txihunja; ngu toneto, u nga ti patanise ni m'thu wo lalata.

Mavingu 25:9

Lulamisa mhaka yako ni mwakelani wako, kambe u nga humise txihunja txa mmwani m'thu;

Levhi 19:16

U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Joxuwa 2:14

Sekoko vavamna vale va to mxamula va txi kha vona: “Wutomi wathu wu na dihela wutomi wanu kala kufani, ngako mi si landuli mhaka yathu; se ku na maheka koko taku, ngako Mkoma a txi hi ninga ditiko diya, hi na ku mahela wumbilu, ni kuthembeka.”

Jeremiya 38:27

Se votshe vathangeli va mfumeli va to ta ka Jeremiya, va txi ta mu wotisa; ene a to va xamula ngu totshe timhaka ti a nga gelwa ngu mfumeli. Va to mleka, ve ti tsulela, nguko mhaka kha ya zivwa ngu m'thu.

Mavingu 14:5

Fakazi ya ditshuri kha yi na kuhemba, aniko fakazi ya makuhu yi wombawombela makuhu.

Joxuwa 2:20

Aniko ngako u txi landula mhaka yiya yathu, hi nava hi si kurumetwi ngu txixambanyo txako, atxi u nga hi kurumeta ku txi maha.

Mavingu 11:12

Awule a txhipisako mwakelani wakwe mbwo pwata wutxhari, aniko awule a ku ni mapimo o malala.

Mavingu 12:23

M'thu wu a ku ni wuzivi wa sisa wuzivi, aniko timbilu ta siphukuphuku ti nuwela wuphukuphuku.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.