Mavingu 11:12 - Bhiblia Yo Sawuleka

¹² Awule a txhipisako mwakelani wakwe mbwo pwata wutxhari, aniko awule a ku ni mapimo o malala.

Mavingu 11:12 Referans Kwoze

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Luka 18:9

Jesu a to maha kambe txidinganiso txiya ka vale va nga txi ti themba nga vathu vo lulama, na va txi kanyisa vakwawe:

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

2 Vafumeli 18:36

Ngu kumaha keto, vathu va to mala kha va xamula hambi dipswi ni da dimwedo; nguko dipswi da mfumeli di ti ti kha dona: Mi nga mxamuleni.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Valamuli 9:38

Sekoko Zebhule a to mu wotisa, a txi khene: Txi hayi konkuwa txisofu txako, atxile u nga womba ngu txona u txi khawe: “I mani Abhimeleki wa ku na za hi na mthumela kani? Ina hi nga vathu vava u nga va eyisa kani? Na ku kombela koko, huma u txi yalwa nayo.”

Mavingu 6:32

Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe.

Mavingu 11:11

Ngu kukatekiswa ngu vo lulama, da tsaka didhoropa, aniko da haxulwa ngu txisofu txa vaonhi.

Mavingu 11:13

M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.