Mavingu 10:9 - Bhiblia Yo Sawuleka

⁹ Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

Mavingu 10:9 Referans Kwoze

Mavingu 28:18

Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

Matewu 10:26

“Ngu toneto, mi nga va thaveni, nguko kha txi nga ho txo sisala, txi no mbi nga va ni kutumbulwa; kambe kha txi ngaho txo siswa, txi no mbi nga va ni kuziwa.

1 Timoti 5:25

Kufana ni toneto, mithumo ya yinene ya ti wonekisa; hambi yile hi si yi woniko kha yi sikoti kuzumba kusisalani.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Mavingu 3:23

Sekoko u na tsimbila ngu kutsana nzilani kwako, kambe kha wu na mbi gutwa mkondo wako.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Mavingu 17:20

Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

Mavingu 26:26

Livengo lakwe hambi li txi sisala ka wukanganyisi wakwe, wubihi wakwe wu na tumbuleka mtaloni ka vathu.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Jobe 8:20

Wona taku Txizimu kha txi na mbi nyenya wo lulama; kambe kha txi va ñoli ngu diwoko vamahi va kubiha;

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.