Mavingu 10:32 - Bhiblia Yo Sawuleka

³² Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.

Mavingu 10:32 Referans Kwoze

Mavingu 15:28

Mbilu ya m'thu wo lulama ya pimisa ti a no xamula, aniko txisofu txa vaonhi, txi theketela sasingi so biha.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Mavingu 11:11

Ngu kukatekiswa ngu vo lulama, da tsaka didhoropa, aniko da haxulwa ngu txisofu txa vaonhi.

Mavingu 2:12

kasi ku kutxhatxhisa ka wubihi, ni ka m'thu wo womba-womba kuhambana;

Ekleziyaste 12:10

M'gondisi a to lava kumana mapswi o tsakisa; se mibhalo nja yinene, mapswi a ditshuri.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Titosi 2:8

thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.

Mavingu 4:24

Vayilelisa txisofu txako ka mapswi o xanisa, u tsulisa kule ni nawe wubihi wa txisofuni.

Mavingu 6:12

M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela.