Mavingu 10:30 - Bhiblia Yo Sawuleka

³⁰ M'thu wo lulama kha na mbi nga dhuka e zinginiswa, aniko vo biha kha va na mbi zumba ha mafuni.

Mavingu 10:30 Referans Kwoze

Masalmo 37:22

Avale Mkoma a nga va katekisa va na mana mafu, aniko avale a nga va singitela va na fuviswa.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

Mavingu 10:25

Wo biha a pinda kufana ni txihuhuri, aniko mlulami a ni kutsana ko mbi gwita.

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

Matewu 21:41

Vona va to angula va txi kha vona: “A na va fuvisa vathuvo vo biha, senikoko a na ningela thembwe ya mivhinya ka vamwani vadimi, ava va na ku mu wuyisela mihando yakwe ngu nyango yi yi lavekako.”

Masalmo 112:6

ene i ku wo thembeka, kha na mbi wa hahatshi a na zumba a txi alakanywa yotshe mbimo.

Masalmo 52:5

Ni txona Txizimu txi na kulovisa kala kupinduka. Txona txi na kuñola txi ku huka ha m'tini kwako; txona txi na kuthavisa mu ditikoni ka vohanya.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.