Mavingu 10:3 - Bhiblia Yo Sawuleka

³ Mkoma kha leki dihika da wo lulama difa ngu nzala, aniko kunavela ka wo biha wa kutsivela.

Mavingu 10:3 Referans Kwoze

Masalmo 37:25

Ni ti mfana, se konkuwa ni kumbile, kambe kha ni zivi kuwona m'thu wo lulama e lekwa wusiwanani, hambi vanana vakwe kha ni zivi ku va wona ve kombela sakudya.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Masalmo 37:19

Kha va na mbi va ni tingana ka masiku a sikarato, ka masiku a nzala, vona va na khura.

Masalmo 33:19

ene wa va hulukisa ka lifo kambe wa va veketa va txi hanya ka mbimo ya nzala.

Jobe 5:20

Txi na ku hulukisa kudawa ngu nzala; ni yimbini txi na kuhulukisa ka phango ya ditxhari.

Luka 12:31

Ati i ku tona, lavani Mfumo wa Txizimu, se silo siya sotshe mi na engetelwa.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Jobe 20:28

Tithomba ta nyumbani kwakwe ti na thaviswa, ka ditshiku da kuhenya ka Txizimu, totshe ti na thekelela.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Mavingu 13:25

M'thu wo lulama wa dya kala kuza moya wakwe wu tsaka, aniko mndani ka wo biha ku na otela ni nzala.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Jobe 15:23

A peperukela e tsimbila e lava dipawu, a txi khene: Di hani kani? Wa tiziva kha kwati taku, ditshiku da txidema di hafuhi.