Mavingu 10:29 - Bhiblia Yo Sawuleka

²⁹ Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.

Mavingu 10:29 Referans Kwoze

Mavingu 21:15

Kumaha kululama litsako ka wo lulama, aniko njixamaliso ka vale va maha wubihi.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Masalmo 92:7

Vathu vo biha hambi va txi anda kufana ni mwasi vabihi hambi va txi engeteleka, Mkoma a na va fuvisa kala kupinduka.

Masalmo 84:7

Vona va tsimbila na mtamo wu txi engetelwa ditshiku ni ditshiku kala veya ti kombisa Siyoni masoni ka Txizimu.

Masalmo 37:20

Aniko vaonhi va na fuva; valala va Mkoma va na hya kufana ni mwasi wa kuoma va na hangalaka kufana ni wutshi.

Masalmo 36:12

Ndiva vabihi va wite hahatshi, va wite, kha va na mbiswa ve wuka.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Jobe 31:3

Ina hi nga kutimela ka m'bihi, ni phango ka vale va mahako to biha kani?

Mavingu 13:6

Wululamo wa xayisa m'thu wamnene nzilani kwakwe, aniko wubihi wu na wisa muonhi.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Mavingu 11:7

A txi fa m'thu wule i ku muonhi, ni themba yakwe yi fite, ni themba ya wubihi ya mwalala.