Mavingu 10:26 - Bhiblia Yo Sawuleka

²⁶ Ku nga vhinagre amu ka makwasa, kufana ni wutshi amu ka maso, ngu toneto a ku ngu tona mkara ka vale va mrumako.

Mavingu 10:26 Referans Kwoze

Mavingu 26:6

Awule a rumako txiphukuphuku kuheleketa dipswi, wa ti wila minenge, ni ku tiha dikhombo.

Mavingu 25:13

Awule a wombako ditshuri di a nga rumwa; a fana ni kutitila ka hunguva ya mbimo yo elula, nguko a tsakisa dihika da nyamne wakwe.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Mavingu 25:20

Awule a thulako ndando masoni ka m'thu wo pandiseka, a fana ni wule a thavisako syambalo ngu ditshiku da pheho, ni ku nga vhinagre txitimwi ka txilonda.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

Mavingu 6:6

Tsula u ya wonana ni titshokoti, awe mkara; wona tinzila ta tona, u na txhariha.