Mavingu 10:20 - Bhiblia Yo Sawuleka

²⁰ Lidimi la m'thu wo lulama i silivhela yo sawulwa; mbilu ya vaonhi kha yi na mtengo wa txilo.

Mavingu 10:20 Referans Kwoze

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Mavingu 23:7

Nguko a ti a nga ti alakanya, ti mbiluni kwakwe; ene a na kugela ku khene: Dyana kha kwati u sela; na kuve mbilu yakwe kha yi nga ni nawe.

Mavingu 16:13

Sisofu sa wululamo sa tsakisa vafumeli, se vona va dhunda wule a wombawombako timhaka to lulama.

Mavingu 15:4

Mndonga wa wutomi, ngu lidimi li li hanyako, kambe wubihi wa lona, wa funya muhefemulo.

Mavingu 8:19

Mihando yangu yi txhuko kupinda nzalama, ina nzalama yo sefwa; ni si si humako ngu kwangu, si txhuko kupinda silivhela yo sawulwa.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Masalmo 37:30

Txisofu txa m'thu wo lulama txi womba mapswi a wutxhari; lidimi lakwe li womba mapimo amanene.

Mavingu 20:15

Ku ni nzalama ni marigwi amangi a lisima; kambe lisima la hombe li ka txisofu txa wuzivi.