Mavingu 10:14 - Bhiblia Yo Sawuleka

¹⁴ Titxhari ta ti xayisela wutxhari, aniko txisofu txa txiphukuphuku txo hasamula.

Mavingu 10:14 Referans Kwoze

Mavingu 18:7

Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Mavingu 10:10

Awule a valutelako ngu maso wa pfisa kupanda, kambe txisofu txa txiphukuphuku txi na wiswa tingana.

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Matewu 13:44

“Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 19:8

Awu a manako mapimo wa randa muhefemulo wakwe; awule a xayisako wutxhari a na mana wunene.

Mavingu 18:15

Mbilu ya txhari ya mana wuzivi, se nzeve ya titxhari ya mana wuzivi.

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

Mavingu 1:5

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

Mavingu 12:23

M'thu wu a ku ni wuzivi wa sisa wuzivi, aniko timbilu ta siphukuphuku ti nuwela wuphukuphuku.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.

Mavingu 17:20

Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.