Mavingu 1:5 - Bhiblia Yo Sawuleka

⁵ kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

Mavingu 1:5 Referans Kwoze

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

1 Vakorinto 10:15

Ni womba-womba ni nanu kota nga ti mi ku vathu va mapimo. Ti pimiseni mipune ati ni mi gelako.

Jobe 34:16

Ngako koko, ku diho kwako kupimisa, engisa tiya; namisa nzeve ka dispwi da kuwomba kwangu.

Jobe 34:10

Ngu kumaha keto, anu vavamna va mapimo, ni engiseni: Kambe kule ni Txizimu wubihi, kule ni wa Mtamo-wotshe, wuhambunyeti.

Jobe 34:34

Vathu vale va ku ni mapimo va na ni gela, ni vale vo txhariha va na kha vona:

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

Mavingu 14:6

Mtseketseli wa lava wutxhari asi wu mani, aniko ka wule wo pfisisa, wuzivi wa hehuka.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Dhewuteronome 4:6

Yi xayiseni mi txi yi maha milayo yiya, nguko ewo wu na va i di wona wuzivi wanu ni mapimo anu, kuwonani ka vathu votshe. Ngako va txi engisa yotshe milayo yiya, vona va na womba va txi kha vona: “Adiya ditiko da hombe da vathu va kuziva ni kupima!”

Jobe 34:2

Engisani ditshuri dangu, anu titxhari; ni nanu va wuzivi, namisani tinzeve kwangu.

Mavingu 8:33

Engisisani kukawukwa, mi nga ku lambeni, kambe kulaveka ku mi txhariha.

Mavingu 9:8

U nga kawuke mtseketseli, kasi ku asi ku vengi; kawuka txhari, yi na kuranda.

Mavingu 18:15

Mbilu ya txhari ya mana wuzivi, se nzeve ya titxhari ya mana wuzivi.

Mavingu 19:25

Tsayisa mtseketseli, se awule wa txiphuta a na gonda wutxhari; kawuka txhari, yi na gonda wuzivi.

Mavingu 21:11

Mbimo yile mtseketseli a tsayiswako, awule wo divala o maha wo txhari; se mbimo yile a gondiswako wule wo txhariha, a amukela wuzivi.