Mavingu 1:25 - Bhiblia Yo Sawuleka

²⁵ anu mi to khata kulamba sileleto sangu, kambe kha ma tumela kukawuka kwangu;

Mavingu 1:25 Referans Kwoze

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.

Masalmo 81:11

Kambe ngamu yangu kha ya lava ku ni engisa; Israyeli kha komba kukhatala ngu ngani!

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.

Mavingu 1:30

kha ma si lava sileleto sangu, kambe mi kanetile kotshe kulaya kwangu.

Mavingu 5:12

se u txi khawe: Ni nyenyile walo kulaywa! Ni mbilu yangu yi lambile kukawukwa!

Masalmo 107:11

ngu kuva va di eyisile sileleto sa Txizimu ni kunyenya mithetho ya Nyatxitimwi.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

1 Samuwele 8:18

Sekoko ka ditshiku donedo, mi na dila ngu mhaka ya mfumeli wanu, awu anu mi no va mi di msawute; kambe Mkoma kha na mbi mi engisa ka ditshiku donedo.

Mavingu 8:14

Sileleto ni wutxhari wa ditshuri si huma kwangu; ani ngani mapimo, mtamo wu huma kwangu.

Mavingu 15:10

Kukawuka kuho txitimwi ka wule a lekako nzila, se wule a nyenyako silayo, a na fa.

Jeremiya 35:17

Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Wona, ni na neha txitimwi ka Judha, ni ka votshe va zumbako Jerusalema, dotshe dikhombo ni ngadi womba kwawe; nguko ni khala ku va gela, aniko kha va engisa; ni va dhani, aniko kha va xamula.

Dhewuteronome 1:45

Mi to tshumela mi txi dila masoni ka Mkoma; aniko Mkoma kha nga engisa tihuwa tanu, kambe kha nga komba kukhatala ngu nganu.

2 Makronika 33:10

Se Mkoma a to womba ka Manasi ni ka vathu vakwe, kambe kha va mu engisa.