Mavingu 1:23 - Bhiblia Yo Sawuleka

²³ Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Mavingu 1:23 Referans Kwoze

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Luka 11:13

Ngu toneto, eko hambi anu, mi ku vabihi, mi zivako kuha sa sinene vanana vanu, ngutu-ngutu Tate wa nzumani a na pindisa ngutu kuninga Moya wakwe wo Sawuleka, ka vale va mkombelako!”

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Mavingu 10:17

Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

Mavingu 1:30

kha ma si lava sileleto sangu, kambe mi kanetile kotshe kulaya kwangu.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Mavingu 1:25

anu mi to khata kulamba sileleto sangu, kambe kha ma tumela kukawuka kwangu;

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Joyeli 2:27

Se anu mi na tiziva ti to ani niho hagari ka Israyeli, ni ti to ani ngani Mkoma, Txizimu txanu, kha ku na mmwani kambe; ni vathu vangu kha va na mbi theleka tingana yotshe mbimo.

Joyeli 3:1

Wona taku, ka oneyo masiku, ni ka mbimo yoneyo, ni no thavisa wukhumbi ka Judha ni ka Jerusalema,