Mavingu 1:15 - Bhiblia Yo Sawuleka

¹⁵ Mwanangu, u nga tsimbile navo ngu tinzila tawe; vayilelisa mkondo wako ka tisoko tawe.

Mavingu 1:15 Referans Kwoze

Masalmo 119:101

Ni hambukile ka totshe tinzila to biha, kasiku ni xayisa mithetho yako.

Masalmo 1:1

A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Mavingu 5:8

Vayilelisa nzila yako kwakwe, kambe u nga tshukete ha txikeni ka nyumba yakwe;

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Mavingu 1:14

tisa dikato dako hagari kwathu; hotshethu hi na abanelana ngu kudingana.

Mavingu 24:1

U nga bavele vathu vo biha, hambi ku navele kuve navo,

Mavingu 3:31

U nga ve ni dibava ni m'thu wo lwisa, kambe u nga sawule ni ya yimweyo ka tinzila takwe.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,