Mavingu 1:11 - Bhiblia Yo Sawuleka

¹¹ Va txi kha vona: Tsimbila ni nathu, hi baramela vathu, hi duka vale vo pwata mnandu,

Mavingu 1:11 Referans Kwoze

Jeremiya 5:26

Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu.

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Mithumo 25:3

va txi womba ngu kukhongotela Festo, va to mkombela ti to e va siza a txi rumela Paulo Jerusalema, kasi vona va ti sungile txikungo txa ku m'daya ha nzila.

Mithumo 23:15

Konkuwa, anu ni dibanza, zivisani mthangeli wa hombe kasiku yi m'rumela kwanu, mi na nga mo lava ku mu wotisisa kha kwati mhaka yakwe; athu hi nava hi di ti longisete ku m'daya na a sinzi kuhoka.”

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Jeremiya 11:19

Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.

Mavingu 30:14

Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.

Mavingu 1:16

Nguko minenge yawe yi tutumela to biha, kambe va kuluveta kutheketa mnoha.

Masalmo 56:6

Va ramba sikungo, va txi ni baramela, va txi wonisisa makando angu, na va txi rinzela mbimo ya ku ni daya. Ina vathu vo bihisa tiya va nga huluka kani?

Masalmo 35:7

Nguko, va ni riyete, va si nga ni txigelo; va kete diphala va si nga ni txigelo, kasiku ni hojomela ka dona.

Masalmo 17:12

Va fana ni tingonyamo ti ti lavako kupfinya mpfimba wa tona ni singonyamwana si di sisate diphalani ka sona.

Johani 15:25

kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”

Mavingu 24:15

Awe m'bihi, u nga baramele m'ti wa m'thu wo lulama, hambi kuhanda nyumbani kwakwe.

Mavingu 29:24

Awule a ku ni thomba yimweyo ni dikhamba, wa venga dihika dakwe apune; wa engisa ta walo, aniko kha wombi txilo.