Matewu 9:8 - Bhiblia Yo Sawuleka

⁸ Mabutho a vathu, ngako ma txi wona tiya ma to telwa ngu kuthava, me dhumisa Txizimu atxiya txi nga ninga vathu mtamo wo maha eto.

Matewu 9:8 Referans Kwoze

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Matewu 15:31

Ahawa ka kuva mabutho ma txi xamala ngu kuwona siduma si txi womba-womba, mabhofu ma txi wona. Se ve dhumisa Txizimu txa Israyeli.

Mithumo 4:21

Se va to va thusa, msana ka kuva dhukisa da wumbidi, ve pwata nzila ya ku va peka ngu yona, ngu kuthava vathu, nguko votshe va ti dhumisa Txizimu ngu mhaka ya ti ti nga mahwa.

Luka 23:47

Se ngako nduna ya 100 da masotxhwa yi di woni tile ti nga maheka, yi to dhumisa Txizimu, yi txi kha yona: “Kha ditshuri m'thu wuwa i ti wo lulama!”

Luka 17:15

Se mmweyo wawe, mbimo yi a nga wona ti to a kalamukile, a to tshumelela msana, na a txi dhumisa Txizimu ngu dipswi do guleka.

Marku 2:12

Ene a to khukha se kunukunuko e teka ditaho dakwe, a txi tsula, na a txi wonwa ngu votshe vathu, ahawa votshe va nga xamala ve dhumisa Txizimu va txi kha vona: “Kha hi zivi ku ti wona to nga tiya.”

Vagalatiya 1:24

Se vona va ti dhumisa Txizimu ngu kota yangu.

Johani 15:8

Tate wangu a na dhumiswa, ngako mi txi veleka mihando yo tala, mi maha vagondiswa vangu.”

Luka 13:13

Se a to msanzeka manza txitimwi, koneko wamsikati a so lulama, e dhumisa Txizimu.

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Matewu 12:23

Dibutho dotshe di to xamala di txi kha dona: “Ina awu hi nga ene Mwanana wa Dhavhidha kani?”

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

Matewu 9:7

Ene a to khukha e tsula m'tini kwakwe.

Luka 2:20

Ti di mahile eto, va to tshumela vadyisi, na va txi dhumisa ni kubonga Txizimu, ngu totshe ti va nga ti wona ni ku tiengisa, nga ti va nga ti gelisilwe tona.

Luka 17:18

Kha maneka ni wammweyo a nga tshumela a ta bonga ka Txizimu, hahanze ka wu wa matiko.”

Luka 18:43

Se ene kunukunuko a to wona, e mlondisa, na a txi dhumisa Txizimu. Votshe vathu va va nga ti wona, ni vona va to pfalisa Txizimu.

2 Vakorinto 9:13

Ngako va txi wona mthumo wuwa wu kombisako wunene wanu, vona va na dhumisa Txizimu ngu mhaka ya kuengisa kwanu ka timhaka ta Evhangeli ya Kristu. Kambe vona va na dhumisa Txizimu ngu msengo wa wunene awu anu mi va vhunako ngu wona, i si nga vona vokha, aniko ni votshe vathu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.