Matewu 9:4 - Bhiblia Yo Sawuleka

⁴ Se ngako Jesu a di woni mialakanyo yawe, a to khene: “Njani mi pimisa kubiha timbiluni kwanu kani?

Matewu 9:4 Referans Kwoze

Luka 6:8

Kambe Jesu a txi yi ziva mialakanyo yawe, a to khene ka m'thu wu wo khwanyela diwoko: “Khukha u txi ema hawa hagari.”

Matewu 12:25

Kambe Jesu, ngu kuziva mialakanyo yawe, a to khene kwawe: “Mfumo wuhi ni wuhi wu ti bhandako ngu hagari wu txi ti lwisa wu na hasuka; ni didhoropa dihi ni dihi di ti bhandako ngu hagari di ti lwisa, mwendo mwaya wuhi ni wuhi wu ti bhandako ngu hagari wu ti lwisa kha wu na kutsana.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Johani 16:30

Konkuwa ha tiziva ti to awe wa ziva totshe; khu faneli kuwotiswa txilo ngu m'thu; ngu konaho ha kholwa ti to u ta ngu ka Txizimu.”

Luka 11:17

Kambe ene, ngu kuziva mialakanyo yawe, a to khene kwawe: “Mfumo wuhi ni wuhi wu ti bhandako wupune wu ti lwisa, wu na hangalaka. Se nyumba yihi ni yihi yi ti bhandako yipune, yi ti lwisa, yi na wa.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Mithumo 5:9

Sekoko Pedro a txi khene kwakwe: “Mi tumelelanisile kutxani kuduka Moya wa Mkoma kani? Wona mikondo ya va va nga tshotsha mwamna wako, ndiye ha txikeni hawa; na nawe va na kuteka.”

Johani 16:19

Se Jesu a ti zivile ti to va lava ku mu wotisa, se a nje khene: “Anu ma wotisana ngu kuwa ni nga khani: ‘Ngu mbimoanyana kha mi na mbi ni wona, kambe ngu mbimoanyana mi na ni wona.’

Johani 6:64

Kambe hagari kwanu vaho va, va si kholwiko.” Kha ditshuri, Jesu a txi tiziva kukhukhela makhatoni ti to mbamani ava va si kholwiko, ni ti to i mani wu a no mningela.

Johani 6:61

Ngako Jesu a di ti woni ti to vagondiswa vakwe va ngura-ngura, a to va wotisa a txi khene: “Ina mhaka yiya ya mi thela dikhodho kani?

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Luka 5:22

Kambe Jesu, ngu kuziva mialakanyo yawe, a va xamute a txi khene: “Mi ngungurukelela txani timbiluni kwanu kani?

Marku 12:15

Sekoko ene, ngu kuziva kukanganyisa kwawe, a ti khene kwawe: “Mi ni dukela txani kani? Ni neheleni didhenari ni di wona.”

Marku 2:8

Jesu kunukunuko a to tiziva ngu moya wakwe ati va nga txi alakanya timbiluni kwawe, se a txi va gela ku khene: “Mi alakanyela txani toneto timbiluni kwanu kani?

Luka 7:40

Aniko Jesu a to angula a txi khene: “Simoni, ni na ni dipswi ni nawe.” Ene a ti khene: “Womba, M'gondisi.”

Ezekhiyele 38:10

Mkoma Txizimu a khene: Se ku na maheka ka dona ditshiku dile taku, u nave ni kualakanyela mbiluni kwako, se u na ziva zumbelo yo biha.