Matewu 9:38 - Bhiblia Yo Sawuleka

³⁸ Ngu kota yeto, kombelani ka Nyamne wa kuelula, ti to e rumela sithumi kuelulani kwakwe.”

Matewu 9:38 Referans Kwoze

Jeremiya 3:15

Ni na mi ninga vadyisi va tsakisako mbilu yangu, ava va no mi dyisa ngu wuzivi ni kupima.

2 Vatesalonika 3:1

Ngu kugwitisa, vanathu, hi khongeleleni, kasiku dipswi da Mkoma di txi ya masoni ngu kutxhumeyelwa ka otshe makhalo ngu kukuluveta, di txi amukelwa ngu txithavo kota nga ti di nga amukeliswa tona ngu nganu,

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Mithumo 8:4

Se avava va nga ti hangalakile va ti tsimbila ve nuwela dipswi da mahungu amanene.

Masalmo 68:11

Mkoma a leletile dipswi, se vavasikati vavangi ve huwelela mahungu awa:

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

1 Vakorinto 12:28

Avale Txizimu txi nga va veka, mndani ka dibanza, kuthanga txi vekile vapostoli, ka wumbidi txi vekile vaprofeti, ka wuraru txi vekile vagondisi. Ngu msana kuta sihiwa sa kumaha sidiwukiso, sa kuhanyisa valwali, sa kuvhuna vamwani, sa kuthangelela mthumo, kuwombawomba tidimi to tala.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

Matewu 9:37

Sekoko a to womba ka vagondiswa vakwe, a txi khene: “Kuelula nga hombe, aniko sithumi nzidotho.

Johani 4:35

Kasi kha mi wombi anu, tito: ‘Ku sate mune wa mitxima, se yi na hoka mbimo ya kuelula’, kani? Kha ditshuri na mi gela ni khani: Gulani maso mi wona: Tithembwe ti nga xwee, ti lavako kuelulwa.