Matewu 9:30 - Bhiblia Yo Sawuleka

³⁰ Se maso awe me tuleka. Jesu a to va laya ngutu a txi khene: “Ti woneleni ti to mhaka yiya yi si ziwi ngu m'thu ni wammweyo.”

Matewu 9:30 Referans Kwoze

Luka 5:14

Se a to mu leleta a txi khene: “U nga thuke u txi gela m'thu, kambe tsula u ya ti kombisa ka mphaxeli, u txi maha mningelo wa kubasiswa kwako, nga ti Mosi a nga leletisa tona, kasi wu na va wufakazi kwawe.”

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Luka 8:56

Se vaveleki vakwe va to xamala ngutu. Se ene a to va leleta ku va si geli m'thu ati ti nga humelela.

Marku 5:43

Ene a to va leletisisa ti to ni wammweyo asi thuki a txi tiziva ati ti nga maheka, se a txi va gela ti to ve ninga sakudya mwanana wule wa txihoranana.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 12:16

na a txi va laya ti to va si mu nuweli.

Isaya 52:13

“Wonani taku, txithumi txangu txi na maha ngu wunene; txi na kuliswa, ni kuguletwa, ni kuthaviseka ngutu.”

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Isaya 35:5

Sekoko maso a mabhofu ma na tulwa, ni tinzeve ta maphanzeve ti na tuleka.

Masalmo 146:8

Mkoma wa tula maso a mabhofu; Mkoma wa wusa vale va thidhelako Mkoma wa randa vo lulama.

Marku 1:43

Jesu a to tekela ku mlaya ngutu, a txi mtsutisa ngu kukuluveta,

Marku 3:12

Kambe ene a to yi gela ngu kutsanisa ti to yi si thuki yi mu nuwela.