Matewu 9:24 - Bhiblia Yo Sawuleka

²⁴ “Khukhani mi tsula, nguko awu wa txihoranana kha fa, a to otela.” Se vona va nje ku mu seka.

Matewu 9:24 Referans Kwoze

Mithumo 20:10

Paulo a to txhika a txi nama txitimwi kwakwe, a txi mu singarela, a txi khene: “Mi nga karatekeni, nguko a ngadi a txi hanya.”

Mithumo 9:40

Se Pedro a to humisa hahanze votshe vathu vale, e khizama a txi khongela. Se a di rendekete txirumbi, a to khene: “Tabhita, wuka!” Ene a to tula maso e wonetela Pedro se e khalahatsha.

Johani 11:4

Jesu a di engisile eto, a to khene: “Ewo wulwati hi nga wa kuyisa kufani, aniko mbwa ku na pfalisa Txizimu, kasiku Mwanana wa Txizimu e mana kudhumiswa ngu wona.”

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

Marku 5:40

Vona va to khata ku mu seka. Aniko Jesu a to humisa hahanze votshe vathu vale, a txi teka dwe tate ni mame wa mwanana wule wa txihoranana, kumweko ni vale va nga ti tile nayo, e wulela ka wukhalo wu a nga ti otelisitwe kona mwanana.

Luka 8:53

Se vona ve mu seka, nguko va txi tiziva ku a fite.