Matewu 9:23 - Bhiblia Yo Sawuleka

²³ Ngako Jesu a di hokile m'tini ka nganakana yile, a di woni vaveti va titshodi ni vathu votala, va nga ti va nga diguwa da hombe ngutu, a to khene:

Matewu 9:23 Referans Kwoze

2 Makronika 35:25

Se Jeremiya a to maha txidilo txo dila Josiya; se votshe vaembeleli vavamna ni vavasikati va to womba-womba ngu timhaka ta Josiya tindandoni kwawe, kala ka ditshiku da nyamsi; nguko va ti mahile txileleto ka Israyeli; wonani taku “ti bhatwe ka dibhuku da sidilo.”

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Luka 7:32

Va fana ni vanana va va zumbako mtendelani, va dhananako va txi kha vona: ‘Hi mi vetete titshodi, kambe kha ma sinya, hi salukile aniko kha ma dila.’

Matewu 11:17

‘Hi mi vetete misengele, aniko kha ma sinya; hi embelete tindando ta masaluko, aniko kha ma dila.’ ”

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Ezekhiyele 24:17

Dilisa kutipimela; u nga dilele vafi, ambala txigoko txako, ni tikathula mikondoni kwako; u nga sisale u txi dya sakudya sa vathu.

Mithumo 20:10

Paulo a to txhika a txi nama txitimwi kwakwe, a txi mu singarela, a txi khene: “Mi nga karatekeni, nguko a ngadi a txi hanya.”

Mtuletelo 18:22

Se kuembelela ka vaveti va tiharipa ni vaembeleli ni vaveti va misengele, ni vaveti va mipundu kha va na mbiswa ve pfala didhoropanimo; ni mmweyo wa marindi kha na mbi ngadi e maneka kwako; diguwa da txigayo kha di na mbi ngadi di pfala kwako.