Matewu 9:22 - Bhiblia Yo Sawuleka

²² Jesu a txi tshembereka e mu wona, a to khene kwakwe: “Tsanisa mbilu, mwanangu, likholo lako li ku hanyisile.” Se wamsikati a to hanyiswa ka malwati akwe ka yona yile mbimo.

Matewu 9:22 Referans Kwoze

Luka 7:50

Aniko ene a to gela wu wamsikati, a txi khene: “Likholo lako li ku hanyisile; tsula ngu kudikha.”

Matewu 15:28

Sekoko Jesu a to mxamula a txi khene: “Wamsikati, kukholwa kwako nga hombe! Ti na maheke nga ti u ti lavisako tona.” Se kukhukhela ka yona yile mbimo, mwanana wakwe wa muhorana a to kalamuka.

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Luka 18:42

Jesu a txi khene kwakwe: “Tshumela u wona! Likholo lako li ku hanyisile.”

Luka 17:19

Se a to khene kwakwe: “Khukha u txi tsula, likholo lako li ku hanyisile.”

Luka 8:48

Se Jesu a txi khene kwakwe: “Mwanangu, kutumela kwako ku ku hanyisile; tsula ngu kudikha.”

Marku 10:52

Jesu a to mu gela a txi khene: “Tsula, likholo lako li ku hanyisile.” Konaho, a to tshumela e mana kuwona, se e mlondisa nzilani.

Marku 5:34

“Mwanangu, likholo lako li ku hanyisile, tsula ngu kuthutha, thuseka ka malwati ako.”

Matewu 9:29

Konaho a to gwesa maso awe, a txi khene: “Ti na maheke kwanu, nga ti mi kholwisako tona.”

Mithumo 16:18

E tama a txi mahisa toneto masiku amangi; se Paulo e xamukiswa ngutu, a txi gwita ngu kutshembereka a txi gela moya, a txi khene: “Na kuruma ngu ditina da Mkoma Jesu Kristu: Huma ka muhoraneyo.” Se kunukunuko moya wu to huma.

Johani 4:53

Se ngu konaho tate wa mwanana a nga tiziva ti to ngu yona yile mbimo Jesu a nga khene: “Mwanana wako a hanyile,” Se ene ni yotshe ngamu yakwe va to kholwa ka Jesu.

Vahebheru 4:2

Nguko, nanathu, hi engisile Evhangeli nga vona; aniko, dipswi di va ngadi engisa kha da va vhuna txilo, nguko kha va namarela ngu likholo avale va ngadi engisa.

Mithumo 14:9

A ti ti engisela ti ti wombwako ngu Paulo. Se ene ngako a txi mu wonisisa, e wona ti to ana ni kukholwa ko dingana ku e hanyiswa,

Matewu 17:18

Jesu a to dhusa didhimoni, se didhimoni di huma ngu ka mfana wule, se ene e hanyiswa ka yoneyo mbimo.

Matewu 8:13

Sekoko Jesu a to khene ka nduna ya dizana: “Tsula, ti na maheke kwako, nga ti u kholwisako tona.” Se txithumi txakwe txi to hanyiswa ngu yona yile mbimo.