Matewu 9:20 - Bhiblia Yo Sawuleka

²⁰ Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Matewu 9:20 Referans Kwoze

Matewu 14:36

Se va txi mkombela ti to e va tumelela kugwesa hambi tshoka ya nguwo yakwe dwe; se votshe va va nga m'gwesa, va to hanyiswa.

Marku 6:56

Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

Dhewuteronome 22:12

U na maha makhatxa, u ma rungela ka mune wa titshulu ta didhamba dile u fenengelako.

Marku 8:22

Se a to hoka Bhetsayidha; ve mtisela dibhofu, ve mkombela ti to e di gwesa.

Matewu 23:5

Totshe ti va ti mahako, va ti mahela kasi kuwonwa ngu vathu. Ngu toneto, va dhunda kusunga ha mbanza mwendo mawokoni kwawe titxinda ta kuanama, ku di bhatwe mapswi a mlayo mndani ka tona ni kulaphisa titxinda ta tinguwo tawe.

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Mithumo 19:12

Ahawa ka kuza vathu ve teka mafadhuko ni tinguwo ti ti nga ti gwesile mmidi wakwe, ve ti kapeka txitimwi ka valwali, se vona ve kalamuka ka malwati awe, ni mimoya yo biha yi huma kwawe.

Matewu 9:19

Se Jesu na a di khukhile, a to mlondisa ni vagondiswa vakwe.