Matewu 9:18 - Bhiblia Yo Sawuleka

¹⁸ Ngako Jesu a txi txhumayela tiya, nganakana yokari, yi to tshuketa yi txi mu khizamela, yi txi kha yona: Mkoma mwanana wangu wa muhorana i ngadi kwakwe kufa konakwa, kambe ngono u ta sanzeka dianza txitimwi kwakwe, kasiku a na hanya.”

Matewu 9:18 Referans Kwoze

Matewu 8:2

Sekoko a txi ta kwakwe m'thu wa tshekela, a txi mu khizamela a txi khene: Mkoma ngako u txi ti lava, u na ni mtamo wa ku ni basisa.”

Luka 13:14

Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.”

Johani 11:32

Mbimo yi a nga hoka ahawa Jesu a nga ti kona, a txi mu wona, Mariya a to khizama minengeni kwakwe, a txi khene: “Mkoma, idiku awe u ti ti ho hawa, ndiyangu, nga a sa fa!”

Matewu 9:24

“Khukhani mi tsula, nguko awu wa txihoranana kha fa, a to otela.” Se vona va nje ku mu seka.

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

Luka 18:18

Mfumeli wokari a to mu wotisa a txi khene: “M'gondisi wamnene, nji txani ni fanelako ku txi maha, kasi kumana thomba ya wutomi wo mbi guma kani?”

Luka 7:2

Mmweyo wa nduna ya dizana, a ti ni txithumi, a nga ti txi dhunda ngutu, atxiya txi nga ti lwala, txi di hafuhi ni kufa.

Matewu 28:17

Mbimo yi va nga mu wona, va to mu khizamela, aniko vamwani ve khata kukanakana.

Matewu 17:14

Ngako va di hokile ka dibutho, mmweyo wa mwamna a to mtshuketela hafuhi kwakwe, a txi mu khizamela, a txi khene kwakwe:

Matewu 15:25

Sekoko awule wamsikati a to ta hafuhi kwakwe, e ta mu khizamela, a txi khene: “Mkoma ni vhune!”

Matewu 14:33

Se ava va nga ti ngalavani, va to tshuketa ve mu khizamela, va txi kha vona: “Kha ditshuri u Mwanana wa Txizimu!”

Matewu 20:20

Sekoko, mame wa vanana wa Zebhedhewu, a to mtshuketela a di ni vanana vakwe, a txi mu khizamela, kasi kumaha txikombelo.

Matewu 8:25

Vagondiswa vakwe va to mtshuketela, va txi mu wusa va txi kha vona: Mkoma hi hulukise, ha lova.”

Matewu 9:17

Hambi vathu kha va theli vhinya ya yiphya ka misava ya kale, nguko misava yi nga vharuka, ni vhinya yi txi thekela, misava ni yona yi txi luza. Aniko vhinya ya yiphya yi thelwa misavani kakuphya; se sona ngu wumbidi wa sona si na xayiseka.”

Matewu 9:19

Se Jesu na a di khukhile, a to mlondisa ni vagondiswa vakwe.

Mithumo 28:8

Se tate Publiyo a ti ha ditahoni ngu kulwala ngu txindeyandeya ni mndani. Paulo a to tsula a txi ya mu txisela, a txi maha mkombelo ni ku msanzeka manza, se ene e kalamuka.