Matewu 9:17 - Bhiblia Yo Sawuleka

¹⁷ Hambi vathu kha va theli vhinya ya yiphya ka misava ya kale, nguko misava yi nga vharuka, ni vhinya yi txi thekela, misava ni yona yi txi luza. Aniko vhinya ya yiphya yi thelwa misavani kakuphya; se sona ngu wumbidi wa sona si na xayiseka.”

Matewu 9:17 Referans Kwoze

Masalmo 119:83

Ani ni kumbile kufana ni msava wa kudivalwa txithatheni, aniko kha na divala milayo yako.

Joxuwa 9:4

va to maha wurindi, ve tsula, va txi nga sirumwa, va di sanzekile masaka a kale aha ka timbongola tawe, ni misava ya kale ya vhinya, yo sakala, yo rungetetelwa;

Jobe 32:19

Wonani taku, mndani kwangu ko nga wusuke wu vilako, wu si mani kupepa, se ku na phuxuka nga misava ya yiphya.

Matewu 9:16

Kha ku nga ni m'thu awu a rungako txiziva txa txiphya ka nguwo ya kale, nguko txiziva txiya txi nga namula nguwo, se nguwo yi txi engeteleka kuvharuka.

Matewu 9:18

Ngako Jesu a txi txhumayela tiya, nganakana yokari, yi to tshuketa yi txi mu khizamela, yi txi kha yona: Mkoma mwanana wangu wa muhorana i ngadi kwakwe kufa konakwa, kambe ngono u ta sanzeka dianza txitimwi kwakwe, kasiku a na hanya.”

Marku 2:22

Kambe kha ku na m'thu wu a thelako vhinya ya yiphya ka misava ya kale, nguko a txi maha eto, vhinya yi na vharula, se ku txi luzeka vhinya ni misava. Aniko vhinya ya yiphya yi thelwa ka misava ya yiphya.”

Luka 5:37

Kha ku na m'thu wu a thelako vhinya ya yiphya misavani ka kale; nguko vhinya ya yiphya yi nga phuxuta misava, se vhinya yi thekela, misava ni yona yi onheka;

Luka 5:38

Se vhinya ya yiphya yi thelwa ka misava ya yiphya.