Matewu 9:15 - Bhiblia Yo Sawuleka

¹⁵ Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

Matewu 9:15 Referans Kwoze

Mtuletelo 19:9

Ngelozi yi to ni gela yi txi kha yona: Bhala u txi khawe: “Va katekile avale va nga dhanelwa m'buso wa mtxhadho wa Txinvutana.” Yi engeta yi txi kha yona: “Aawa ngu ona mapswi a ditshuri a Txizimu.”

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Mtuletelo 21:2

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Johani 16:6

Kambe akuwa ni nga mi gela tiya, timbilu tanu ta pandiseka ngutu.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

Matewu 9:14

Sekoko ka yoneyo mbimo, vagondiswa va Johani va to tshuketela Jesu va txi kha vona: “Ngu kutxani athu ni Vafarisi hi ti tonako sakudya masiku o tala, na kasiko vagondiswa vako kha va ti toni, kani?”

Matewu 9:16

Kha ku nga ni m'thu awu a rungako txiziva txa txiphya ka nguwo ya kale, nguko txiziva txiya txi nga namula nguwo, se nguwo yi txi engeteleka kuvharuka.

Marku 2:19

Se Jesu a to khene kwawe: “Tipheleketi ta mteki, ina ti nga sikota kutitona sakudya, na mteki a di ngadi kumweko nato kani? Ka yotshe mbimo yi ti ku ngadi nayo, kha ti na kutitona sakudya.

Marku 2:20

Aniko ma nata masiku awa ti nota tekelwa mteki, se ngu kona ti na ku ta ti tona sakudya.

Luka 5:34

Jesu a txi khene kwawe: “Ina ta koteka kukurumeta tipheleketi ta mteki kutitona sakudya, na mteki a di ngadi nato kani?

Luka 5:35

Kambe ya ta mbimo, ayi mteki a no thaviswa kwawe; keyo mbimo ngu kona va no sikota kutitona sakudya.”

Luka 17:22

Se a txi khene ka vagondiswa vakwe: “Yi nata mbimo yi mi no lava kuwona hambi dimwedo ka masiku a Mwanana wa M'thu, aniko kha mi na mbi di wona.