Matewu 9:12 - Bhiblia Yo Sawuleka

¹² Jesu a to va engisa, se e va xamula a txi khene: “Hi nga vale va ku ni wutomi ava va lavako ñanga, aniko ngu vale va lwalako.

Matewu 9:12 Referans Kwoze

Luka 5:31

Jesu a to va xamula a txi khene: “Ava va hanyako kha va lavi ñanga, kambe yi lawa ngu va va lwalako.

Luka 9:11

Ngako mabutho ma di ti zivile, ma to mu londeta, se ene a di va amukete, a to womba-womba navo ngu timhaka ta Mfumo, e hanyisa va va nga txi vilela kuhanyiswa.

Marku 2:17

Jesu ngako a txi tipfa eto, a to khene kwawe: “Ava va hanyako kha va lavi ñanga, aniko yi lawa ngu va va lwalako. Ani kha na tela ku ta dhana va vo lulama, aniko ni tete vona vaonhi.”

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Jeremiya 17:14

Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.

Masalmo 147:3

Ene wa tangalisa timbilu ta vale va nga khuveka a txi bhanditxha silonda sawe!

Hoseya 14:4

Ani ni na holisa ku ni tshuralela kwakwe, ani ngu kutilava kwangu, ni na va randa; nguko kuhenya kwangu ku khukhile kwawe.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Luka 8:43

Jesu a di ngadi a txi ya kona, vathu votala va to mu kamanyeta. Se wamsikati wokari, a nga ti ni malwati a lingolengole, awu a nga lwala digumi da malembe ni mambidi, a txi heta male yakwe yotshe ngu vadhokodhele, aniko ni wammweyo kha sikota ku mu hanyisa.

Masalmo 41:4

Ani ni ti khani: “Mkoma ni pfele wusiwana; ni hanyise, hambiko ni nga kuonhela.”

Masalmo 6:2

Telwa ngu wumbilu ngu ngani, Mkoma, nguko na thidhela; ni kondete, Mkoma, nguko marambu angu ma dhudhumela.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Vakolosa 4:14

Wa mi dingula nene Luka, mngana wathu wa ñanga, wa mi dingula nene Dhemasi.

Matewu 18:11

[Nguko Mwanana wa M'thu a tete ku ta hanyisa asi si nga ti mwalate.]