Matewu 9:11 - Bhiblia Yo Sawuleka

¹¹ Vafarisi va di woni toneto, va to womba ka vagondiswa, va txi kha vona: “Ti mahisa kutxani M'gondisi wanu e dya ni vakhupisi ni vaonhi kani?”

Matewu 9:11 Referans Kwoze

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Marku 2:16

Kambe ngako vabhali va mtxawa wa Vafarisi, ve mu wona a txi dya kumweko ni vakhupisi ni vaonhi, va to kha vona ka vagondiswa vakwe: “Nji txani a txi dya kumweko ni vakhupisi ni vaonhi kani?”

Vahebheru 5:2

Ene wa sikota kupfela wusiwana ava va kusisalelwa ni vale va lundumako, nguko nene wa thuka a txi lunduma.

Vagalatiya 2:15

Athu hi sivelekwa sa Vajudha, kha hi nga sionhi sa vamatiko.

Luka 19:7

Mbimo yi va nga wona tiya, votshe va to khata kungungurukela, va txi kha vona: “A endela nyumbani ka muonhi.”

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

2 Johani 1:10

Ngako m'thu a txi ta kwanu, na asi nehi gondo yiya, mi nga mu amukeleni mitini kwanu, hambi ku mlosa mi nga mloseni.

Matewu 5:46

Nguko, ngako mi txi randa ava va mi randako dwe, ditshungulo muni mi na ku di mana kani? Hi nga toneto va ti mahako ni vona vakhupisi kani?

Matewu 9:10

Ahawa Jesu a nga maneka a di khalahatshile ha mezani ka sakudya, nyumbani ka Matewu, vakhupisi vavangi ni vaonhi va tile va ta khalahatsha kumweko ni Jesu ni vagondiswa vakwe.

Mithumo 11:3

ma txi kha ona: “Awe u wulete mitini ka makhutu udya nawo.”