Matewu 8:5 - Bhiblia Yo Sawuleka

⁵ Ngako Jesu a di wulete Kapernawume, nduna ya dizana yi to mtshuketela yi txi mkombela,

Matewu 8:5 Referans Kwoze

Matewu 27:54

Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Mithumo 27:43

Aniko mthangeli wa dizana, ngu kulava kuhulukisa Paulo, yi to va tsimbisa kumaha eto: Yi to womba ti to ava va sikotako kusambela va na thange vona ve bhumwala matini, ve sambela ve huma;

Mithumo 27:31

Se Paulo a txi gela mthangeli wa dizana ni masotxhwa, a txi khene: “Ngako vona va si zumbi txitimelani, kha mi na kuhuluka.”

Mithumo 23:17

Paulo a to dhana mmweyo wa vathangeli va dizana, a txi mu gela ku khene: Heleketa mfana wuwa ka mthangeli wa hombe, nguko ana ni mhaka a lavako ku yi womba kwakwe.

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

Mithumo 27:13

Ku ti ngako diphuho da wulambwe di di khatile kufuteta kha kwati, va to alakanya ti to va mani txi va nga ti vilela txona. Va to khukha ve longoloka ngu ligungusa la Kreta.

Mithumo 23:23

Se mthangeli wa hombe yi to dhana tinduna timbidi ta ma dizana, yi txi ti gela ku kha yona: “Longisani 200 a masotxhwa, mtxhanu wa magumi ni magumi mambidi a vagadhi va mahantxhi, ni 200 wa vavamna va malaho, kasi kuve tsula Khezareya ngu txikhati txa wuraru txa wusiku.

Mithumo 22:25

Se mbimo yile va nga ti ti msunga ngu titxhini, Paulo a to gela mthangeli wa dizana, a nga ti ti kona hale, a txi khene: “Ina ma tumelwa kukwapela txivelekwa txa mroma, awu ni kuabaniswa a nga mbi nga abaniswa, kani?”

Marku 15:39

Se nduna ya dizana, yile yi nga ti emile masoni kwakwe, ngako yi di woni ti a nga fisa tona, yi to diwuka yi txi kha yona: “Ngu ditshuri awuwa m'thu i ti Mwanana wa Txizimu!”

Marku 2:1

Ku ti ngako ma di pindile masiku, Jesu a to tshumela e wulela Kapernawume, se ti txi pfala ti to ene a nyumbani.

Matewu 9:1

Se ngako Jesu a txi wulela ngalavani, a to tshumela e txhatuka mnambo, a txi wuya didhoropani kwawe.

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Mithumo 9:38

Se ngako Lidha i nga ti hafuhi ni Jopa, vagondiswa, va di engisile ti to Pedro waho, va to ruma vavamna vambidi, kuya m'dhana, va txi kha vona: “Kuluveta u txi ta kheno kwathu.”