Matewu 8:4 - Bhiblia Yo Sawuleka

⁴ Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Matewu 8:4 Referans Kwoze

Luka 17:14

Ngako a di va woni, a to khene kwawe: “Tsulani mi txi ya ti kombisa ka vaphaxeli.” Se ngako vona va txi tsula, va to maneka va di basisilwe ha nzila.

Luka 5:14

Se a to mu leleta a txi khene: “U nga thuke u txi gela m'thu, kambe tsula u ya ti kombisa ka mphaxeli, u txi maha mningelo wa kubasiswa kwako, nga ti Mosi a nga leletisa tona, kasi wu na va wufakazi kwawe.”

Marku 7:36

Jesu a to va laya eto, ti to va si geli m'thu. Aniko hambiko a nga txi va laya eto, vona va ti simama kururutela mhaka yiya.

Matewu 9:30

Se maso awe me tuleka. Jesu a to va laya ngutu a txi khene: “Ti woneleni ti to mhaka yiya yi si ziwi ngu m'thu ni wammweyo.”

Marku 6:11

Ngako ka wukhalo wokari, va si mi amukeli, mwendo va si mi engisi, mbimo yi mi humako, huphutani lithulu la mikondo yanu ngu wufakazi wa ku va sola.”

Marku 5:43

Ene a to va leletisisa ti to ni wammweyo asi thuki a txi tiziva ati ti nga maheka, se a txi va gela ti to ve ninga sakudya mwanana wule wa txihoranana.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Matewu 6:1

“Ti woneleni ti to mi si mahi mithumo yanu ya yinene masoni ka vathu, kasi kuwonwa ngu vona; ngako mi txi mahisa eto, kha mi na mbi tshungulwa ngu Tate wanu wa nzumani.”

Matewu 5:17

“Mi nga alakanyeni ti to ni tete ku ta fuvisa Mlayo wa Mosi mwendo gondo ya vaprofeti. Kha na tela ku ta fuvisa, aniko ni tete ku ta tatisa.

Isaya 42:21

Mkoma a ti ti tsaka ngu ngene, ngu kuranda ka kululama kwakwe; a mkulisile ngu mlayo, e mmaha wo dhundeka.

Johani 8:50

Ani kha ni ti laveli wudhumo nipune: Wa ho wu a lavako ku ni dhumisa, ngene a lamulako.

Johani 7:18

Awu a wombawombako ngu ta wutumbu wakwe, a lava kudhumiswa; aniko awu a lavako kudhumiswa ka wule a nga mruma, eyo ngene i ku wa ditshuri, kwakwe kha ku nga ho kukanganyisa.

Johani 5:41

“Hi nga ngu ka vathu ni amukelako wudhumo.

Luka 21:13

Se eto ti na mi mahekela, kasi ku miva ni wufakazi.

Marku 8:30

Se ene a to va gela ngu kutsanisa ti to va si thuki ve womba-womba ngu ngene ka vathu.

Matewu 16:20

Ngu msana a to laya vagondiswa ti to va si geli m'thu ni wammweyo taku ene i Mesiya.

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Levhi 13:49

ngako txibawetxo i di txa mkuxe mwendo txo bhilivila, aha ka nguwo, ka didhowo, ka ngoti, ka dijoke, hambi ni ka txihi tximaha txo mahwa ngu didhowo, edo dithanzi nda tshekela, di fanete kukombiswa ka mphaxeli.

Marku 3:12

Kambe ene a to yi gela ngu kutsanisa ti to yi si thuki yi mu nuwela.

Marku 9:9

Mbimo yi va nga txi relela ngu mmangoni, a to va tsimba ti to va si geli m'thu ati va nga ti wona kala Mwanana wa M'thu e wuka ka vakufa.

Luka 4:41

Madhimoni ma to huma ka votala, me huwelela ma txi: “Awe u Mwanana wa Txizimu.” Kambe Jesu a to ma dhusa e ma tsimba kuwombawomba, nguko ma ti m'ziva ta tinene ti to ngene Mesiya.

Luka 8:56

Se vaveleki vakwe va to xamala ngutu. Se ene a to va leleta ku va si geli m'thu ati ti nga humelela.

Luka 9:21

Ene Jesu a to va layisisa ta tinene ti to va si geli m'thu ni wammweyo,