Matewu 8:31 - Bhiblia Yo Sawuleka

³¹ Madhimoni ma to mkombela, ma txi kha ona khene: “Ngako u txi hi tovela hawa, hi rumele hi txi ya wulela mtxhambini ka tikhumba.”

Matewu 8:31 Referans Kwoze

Marku 5:12

Se mimoya yotshe yi mkhongotela, yi txi kha yona: “Hi rumele tikhumbani, hi ya wulela ka tona.”

Mtuletelo 12:12

Ngu konaho, tsaka, awe nzuma, ni motshenu mi zumbako ka yona. Dikhombo ka vale va zumbako lineneni! Nguko Dhiyabhulosi a txhikile kwanu, a di ni txiviti ngutu, ngu kuziva ti to mbimo yakwe nja yidotho.”

Marku 5:7

Se a txi peka huwa ngu dipswi da hombe a txi khene: “I mhaka muni u ku nayo ni nathu, awe Jesu Mwanana wa Txizimu Nyatxitimwi?”

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Matewu 8:30

Se, kule nyana navo, ku ti ti ho mtxhambi wa hombe wa tikhumba, ti nga ti ti dya.

Matewu 8:32

Jesu a nje khene ka ona: “Tsulani!” Se ona ma to huma me ya wulela mtxhambini ka tikhumba. Se mtxhambi wotshe wu to tutumela mkovani ka linene, wu so ya vhoma matini wu txi lova.