Matewu 8:3 - Bhiblia Yo Sawuleka

³ Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Matewu 8:3 Referans Kwoze

Luka 5:13

Jesu a to nawuluta diwoko a txi mu gwesa, a txi khene: “Na ti lava, basiswa.” Konako tshekela yi to thaveka kwakwe.

Masalmo 33:9

Nguko a to womba, se sotshe si maheka; a to ruma, se sotshe si humelela.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

Marku 4:39

Se ene a to wuka e dhusa diphuho, a txi khene ka digova: “Malala, u txi dwe!” Se diphuho di renga, se ku va ni kudikha ka hombe.

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

Genesisi 1:3

Se Txizimu txi to kha txona: “Ku nave ho kuwonekela.” Se kuwonekela ku to vaho.

Johani 11:43

A di wombile tiya, a to kwangula ngu dipswi da hombe, a txi khene: “Lazaro, huma hahanze!”

Luka 7:14

Sekoko, a txi tshuketa hafuhi, a txi gwesa dibhokiso da txirumbi, se avale va nga ti txi rwala va to ema. Konako, Ene a to womba a txi khene: “Dijaha, ni khani: Wuka!”

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Marku 7:34

Se a to wona nzumani, a txi hefemuteka, a txi khene kwakwe: “Efata,” ati ti wombako ku “Tuleka!”

Marku 5:41

Se a di mu ñote ngu diwoko a to womba a txi khene: “Talita kumi!” Ati ti wombako ku: “Txihoranana ni khani kwako, wuka!”

Johani 15:24

Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu;

Eksodha 4:7

Mkoma a m'gete a txi khene: “Engeta u txi veka dianza dako hakhana.” Ene a to engeta a txi di veka kambe dianza dakwe hakhana, se mbimo yi a ngadi thavisa, di to tshumela di txi fana kambe ni mmidi wakwe wotshe, mmidi wa nyama yakwe.

Matewu 12:13

Se a to gela m'thu wule a txi khene: “Nawuluta dianza.” Ene a to di nawuluta, di so hanya kufana ni dimwani.

Luka 4:27

Va ti ti ho kambe vathu va tshekela ditikoni ka Israyeli, mbimo ya mprofeti Elixa, aniko kha basiswa ni wammweyo kwawe, hahanze ka Nahanani wa Msiriya.”