Matewu 8:22 - Bhiblia Yo Sawuleka

²² Aniko Jesu a to khene kwakwe: “Ni londise, u txi leka vafi va txi tshotsha vafi vawe.”

Matewu 8:22 Referans Kwoze

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Vaefesu 2:1

Nananu mi ti fite ngu konaho ka minandu ni sionho sanu,

1 Timoti 5:6

Kasi awule a lavako ku ti mahela kuranda, eyo hambi a txi hanya, a fite.

Johani 1:43

Ka ditshiku di di londetako, Jesu a ti xuva kuya Galileya, se e mana Filipi, a txi khene kwakwe: “Ni londise.”

Matewu 9:9

Ngako Jesu a txi ya masoni, a to wona m'thu a nga ti dhanwa ku i Matewu, awu a nga ti khalahatshile ha wukhaloni ka kukhupisa, se a txi khene kwakwe: “Ni londise!” Se ene a to khukha e mu londisa.

1 Vafumeli 19:20

Sekoko a to leka tihomu, e tutuma e londeta Elija, a nje khene: Ni leke ni pswopswa tate wangu ni mwamwangu, ni na gwita ni kulondisa. Se Elija a to khene kwakwe: Tsula, u tshumela u wuya; nguko ni nga kutsimba ngu kutxani kani?

Matewu 8:21

Se mmwani wa vagondiswa vakwe a to khene kwakwe: Mkoma ni tumelele ni thanga ngu kuya tshotsha tate wangu.”

Marku 2:14

Ku ti ngako a txi pinda, a to wona Levhi, mwana Alfewu, a di nyumbani ka mkhupo, a txi khene kwakwe: “Ni londise.” Se Levhi a to khukha e mu londisa.

Luka 9:59

Se a txi gela mmwani ku khene: “Awe ni londise.” Eyo a to xamula ku khene: “Ni tumelele ni ya thanga ngu kutshotsha tate wangu.”

Luka 9:60

Jesu a ti khene kwakwe: “Leka vafi va txi kelela vafi vawe. Kambe awe tsula u txi ya zivisa timhaka ta Mfumo wa Txizimu.”

Luka 15:24

nguko mwanana wu wangu, a nga ti fite, se a tshumete a txi hanya, a ti mwalate, se e tshumela e manwa.’ Se va to khata kubusa.”

Johani 21:19

Ene a wombile tiya, kasi kukombisa mxowo wa lifo li Pedro a no dhumisa ngu lona Txizimu. Msana ka mapswi awa, a to mu gela ku khene: “Ni londise!”

Johani 21:22

Jesu a to khene kwakwe: “Ngako ni txi lava ku a na zumbe kala ni wuya, ku nga va i di txani kwako kani? Awe ni londise!”