Matewu 8:16 - Bhiblia Yo Sawuleka

¹⁶ Ni minova va to neha kwakwe vavangi, ava va nga ti ni madhimoni, se ene a to ma tovela ngu dipswi dakwe, e hanyisa votshe va va nga ti lwala;

Matewu 8:16 Referans Kwoze

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Luka 4:40

Ngako di txi swa ditambo, votshe va va nga txi lwala ngu wulwati wuhi ni wuhi, va ti tiswa kwakwe, se e sanzeka manza akwe txitimwi ka mmweyo ni mmweyo, a txi va hanyisa.

Matewu 14:14

Se a di humile ngu ngalavani, Jesu a to wona dibutho da hombe da vathu, se e va pfela wusiwana, a txi hanyisa valwali vawe.

Mithumo 5:15

Ahawa va nga txi tisa valwali ve ta va veka tinzilani, va di va otelisile ha matahoni ni ha madhandoni, kasiku Pedro, mbimo yi a pindako, a na fenengeta vamwani ka vona hambi ngu mtsudi wakwe.

Marku 5:8

Nguko Jesu a ti khene kwakwe: “Huma ka m'thu wuwa, awe moya wa nzambwa.”

Matewu 12:22

“Sekoko, va to neha kwakwe m'thu wa madhimoni, i nga ti dibhofu ni txiduma. Ene a to mu hanyisa, se awu wa txiduma e khata kuwombawomba ni kuwona.”

Marku 2:3

Konaho a to nehwa kwakwe m'thu wa kuoma sihango, a di rwatwe ngu mune wa vathu.

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Matewu 8:33

Vadyisi va tikhumba va to tutuma ve tsula m'tini veya xawutela totshe, ngutu-ngutu atiya ti nga humelela ka va va nga ti ni madhimoni.

Matewu 8:15

Jesu a to mu gwesa diwoko dakwe, se txindeyandeya txi to huma, ene e wuka a txi va thumela.

Luka 4:41

Madhimoni ma to huma ka votala, me huwelela ma txi: “Awe u Mwanana wa Txizimu.” Kambe Jesu a to ma dhusa e ma tsimba kuwombawomba, nguko ma ti m'ziva ta tinene ti to ngene Mesiya.

Luka 13:12

Ku ti ngako Jesu a txi mu wona, a to m'dhana, a txi khene: “Wamsikati, u thukunyutwe wulemani kwako.”