Matewu 8:15 - Bhiblia Yo Sawuleka

¹⁵ Jesu a to mu gwesa diwoko dakwe, se txindeyandeya txi to huma, ene e wuka a txi va thumela.

Matewu 8:15 Referans Kwoze

2 Vafumeli 13:21

Ku to maheka ti to va txi tshotsha wamwamna wokari, va to wona sigevenga, se ve rinza wamwamna wule diphalani ka Elixa, se a to ya wa e peka marambu ya Elixa, a to wuka e ema ngu minenge yakwe.

Luka 8:54

Aniko ene a to mñola ngu diwoko, e guleta dipswi, a txi khene: “M'horana, wuka.”

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”

Matewu 20:34

Jesu ngu kutalelwa ngu wumbilu, a to va gwesa mu ka maso awe, kunukunuko vona va to tshumela ve wona, se ve mu londisa.

Matewu 14:36

Se va txi mkombela ti to e va tumelela kugwesa hambi tshoka ya nguwo yakwe dwe; se votshe va va nga m'gwesa, va to hanyiswa.

Matewu 9:29

Konaho a to gwesa maso awe, a txi khene: “Ti na maheke kwanu, nga ti mi kholwisako tona.”

Matewu 9:20

Sekoko, mmweyo wamsikati a nga ti xupheka ngu malwati a lingolengole, ngu txipimo txa digumi da malembe ni mambidi, a to mtshuketela ngu msana, e gwesa wuziva wa nguwo yakwe.

Matewu 8:3

Sekoko Jesu a to nawuluta dianza dakwe a txi mu gwesa, a txi khene: “Na ti lava, basiswa awe.” Kunukunuko a to basiswa ka tshekela yakwe.

Isaya 6:7

Se ngu dona di to gwesa txisofu txangu, di txi kha dona: Wona, dikala diya di gwesile txisofu txako; se wubihi wako wu thavisilwe, ni kuonha kwako ku divaletwe.

Matewu 8:14

Se ngako Jesu a di bwakile nyumbani ka Pedro, a to ya mana mkokati wa Pedro a di otete, a txi lwala ngu txindeyandeya.

Matewu 8:16

Ni minova va to neha kwakwe vavangi, ava va nga ti ni madhimoni, se ene a to ma tovela ngu dipswi dakwe, e hanyisa votshe va va nga ti lwala;

Marku 1:29

Mbimo yi Jesu a nga huma ngu disinagogani, a to tsula kumweko ni Jakobe ni Johani nyumbani ka Simoni ni Andreya.