Matewu 8:13 - Bhiblia Yo Sawuleka

¹³ Sekoko Jesu a to khene ka nduna ya dizana: “Tsula, ti na maheke kwako, nga ti u kholwisako tona.” Se txithumi txakwe txi to hanyiswa ngu yona yile mbimo.

Matewu 8:13 Referans Kwoze

Johani 4:50

Jesu a to mu angula a txi khene: “Tsula, mwanana wako a hanyile.” M'thu wuwa a to kholwa ka mapswi a Jesu, e tsula.

Marku 9:23

Jesu a ti khene kwakwe: “Ngako u txi sikota! Totshe ta koteka ka wu a kholwako.”

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 15:28

Sekoko Jesu a to mxamula a txi khene: “Wamsikati, kukholwa kwako nga hombe! Ti na maheke nga ti u ti lavisako tona.” Se kukhukhela ka yona yile mbimo, mwanana wakwe wa muhorana a to kalamuka.

Matewu 9:22

Jesu a txi tshembereka e mu wona, a to khene kwakwe: “Tsanisa mbilu, mwanangu, likholo lako li ku hanyisile.” Se wamsikati a to hanyiswa ka malwati akwe ka yona yile mbimo.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Marku 7:29

Sekoko ene a to mu xamula a txi khene: “Ngu konaho ka dipswi diya, tsula, didhimoni di humile ka mwanana wako.”