Matewu 8:10 - Bhiblia Yo Sawuleka

¹⁰ Ngako Jesu a di pfite tiya, a to xamala, a txi khene ka vava va nga txi mu londisa: “Kha dithuri, na mi gela, ni khani: Kha na mana likholo la hombe lo nga liya, hambi hagari ka va ka Israyeli.

Matewu 8:10 Referans Kwoze

Luka 7:9

Ngako Jesu a txi pfa mapswi awa, a to xamala, a txi tshembereka a txi wonetela vathu vale va nga txi mu londetela, a txi khene kwawe: “Na mi gela ni khani: Kha ni nzi kumana likholo la hombe lo nga liya, hambi ka vathu va Israyeli.”

Matewu 15:28

Sekoko Jesu a to mxamula a txi khene: “Wamsikati, kukholwa kwako nga hombe! Ti na maheke nga ti u ti lavisako tona.” Se kukhukhela ka yona yile mbimo, mwanana wakwe wa muhorana a to kalamuka.

Marku 6:6

A to xamala ngu kuwona ti to vona kha va na likholo. Se a to tsimbilatsimbila a txi gondisa ka miti ya hafuhi.

Luka 7:50

Aniko ene a to gela wu wamsikati, a txi khene: “Likholo lako li ku hanyisile; tsula ngu kudikha.”

Luka 5:20

Jesu, ngako a txi wona likholo lawe, a to womba a txi khene: “Mwanathu, u divaletwe sionho sako.”

Genesisi 43:33

Vanawe Josefa va ti folisilwe masoni kwakwe, mmwani ni mmwani e khalahatshiswa ka wukhalo wakwe, madingano ni tanga yakwe, kukhukhela ka wa matiwula, kala ka mnanda wa tshole; se vona va to khata kuwonana, va di tate ngu kuxamala.

Matewu 8:9

Nguko nani ni m'thu wu ni fumwako, na ni di ni masotxhwa, ni ma fumako nani, se ni txi womba ka mmweyo ni txi khani: ‘Tsula’ ene wa tsula; ni txi ka mmwani: ‘Ngono’ ene wata; ni ka txithumi txangu, ni txi khani: ‘Thuma tiya’ ene wa ti thuma.”

Matewu 8:11

Aniko na womba kwanu, ni khani; mbavangi va nota ngu wutxani ni mswa-ditambo, va ta zumba ha sakudyani ni Abrahamu ni Isaake ni Jakobe Mfumoni ka nzumani.

Mithumo 2:7

Se votshe ve diwuka ni kuxamala, va txi kha vona: “Vona vathu va va wombawombako, ina hi nga va Galileya votshe kani?