Matewu 7:7 - Bhiblia Yo Sawuleka

⁷ “Kombelani, mi na ningwa; lavani, mi na si mana; gogotani, mi na tulelwa.

Matewu 7:7 Referans Kwoze

Matewu 21:22

Se sotshe si mi no kombela ngu kukholwa, na mi txi khongela, mi na si amukela.”

1 Johani 3:22

se txihi ni txihi hi no kombela hi na ningwa ngu Txizimu; nguko ha veketa sirumo sa txona ni kumaha ati ti txi tsakisako.

Johani 15:7

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.

Marku 11:24

Ngu konaho ni khani kwanu: Sotshe si mi si kombelako ngu kukhongela, tumelani ti to mi si amukete, si na va sanu.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Matewu 7:8

Nguko mmwani ni mmwani a kombelako, wa ningwa; awu a lavako, wa si mana; ni wule a gogotako, a na tulelwa.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Masalmo 10:17

Mkoma, engisa mikombelo ya sisiwana; si mbuwetele u txi si amukela.

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

Matewu 18:19

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

Amosi 5:4

Mkoma a womba tiya ka va Israyeli a txi khene: Ni laveni mi na hanya.

Jakobe 5:15

Mkombelo wa likholo wu na hanyisa mlwali e mana kuamukelwa ngu Mkoma. Se, hambi a di mahile sionho, si na divalelwa.

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Matewu 7:11

Ngu konaho, hambi anu mi ku vathu va tshofu mi zivako kuninga sa sinene ka vanana vanu, ngutu-ngutu Tate wanu wa nzumani kha na mbi pindisa kuvaninga sa sinene ava va mu kombelako kani?

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Ndando ya Tindando 3:2

Ni na khukha koko, ni horolokela didhoropa, ni horolokela amu ka tinzila ta hombe ni mitendelani, ni lava awu muhefemulo wangu wu mrandako; nguko ni m'lavile, se kha na mmana.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Masalmo 119:12

Bongwa, Mkoma! Ni gondise milayo yako!

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 70:4

Aniko va na tale ngu kutsaka votshe avale va ku lavako; avale va navelako kuhanyisa kwako va na simame va txi kha vona: “Txizimu nja hombe!”

Masalmo 69:32

Avale va ti vekako hahatshi va na ti wone ve tsaka ni vale va lavako Txizimu va nave ni kutsana,

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

Varoma 3:11

Kha ku nga ni wu a ku ni mapimo, kha ku nga ni wu a lavako Txizimu.

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Masalmo 34:4

Ni lavile Mkoma, se ene a ni xamute, a txi ni hulukisa kambe, aha ka dizowa dangu.

Masalmo 37:4

Veka ka Mkoma minavelo yako ene a na kuninga kuxuva ka mbilu yako.

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Genesisi 26:32

Ngu ka donedo ditshiku, sithumi sa Isaake si to mu wuyisela m'biko wa txisima txi va nga kela, va txi kha vona: “Hi mani mati.”