Matewu 7:6 - Bhiblia Yo Sawuleka

⁶ “Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Matewu 7:6 Referans Kwoze

Mavingu 23:9

U nga womba-wombe tinzeveni ka txiphukuphuku, nguko txi na txhipisa mapswi ako a wutxhari.

Mavingu 26:11

Nga yimbwa yi tshumelelako ka makosa a yona, ngu tona eto ni txiphukuphuku, kha txi leki wuphukuphuku wa txona.

Vafilipiya 3:2

Ti woneleni ka timbwa, ti woneleni ka vamahi va to biha, ti woneleni ka va wukwera wa makuhu.

Matewu 15:26

Se ene a txi mu angula, a ti khene: “Hi nga ta tinene kuteka sakudya sa vanana si tshotshwa ka timbwa.”

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

2 Pedro 2:22

Ti tatisekile atile ti wombwako ngu divingwa da ditshuri adi di ku: “Yimbwa yi tshumete yi dya makosa a yona,” ni tiya kambe taku: “Khumba yi yi nga sambiswa, yi tshumete yi txi puluwunda ha ndopeni.”

Matewu 24:10

Ka yoneyo mbimo, vavangi va na thindeka, va txi ningelana ni kuvengelana.

Mavingu 11:22

Kufana ni disinda da nzalama thonvuni ka khumba, ngu nga toneto wamsikati wo tshura a txi hambana ni ditshuri.

Vahebheru 6:6

se ve wa, ti to ve tshumela ve hinduka da wumbidi, nguko vona va tshumete ve bethela ha txihambanoni Mwanana wa Txizimu, ve mmaha txiruko.

2 Vakorinto 11:26

Ni mahile mapfhumba o tala. Ni manwi ngu tiphango ta tingi ta minambo, ni tiphango ta sigevenga, tiphango ta kumahwa ngu va ka kwathu, ni tiphango ta kuta ngu ka vamatiko, tiphango ta didhoropani, tiphango ta txiwulani, tiphango ta lineneni, tiphango ta kuvangwa ngu vanathu va makuhu.

Mavingu 26:4

Txiphukuphuku u nga txi xamule madingano ni wuphukuphuku wa txona, kasi ku na nawe u si fanani natxo.

Matewu 7:5

Mxengeteli, thanga ngu kuthavisa mtanda wu, wu ku disoni kwako, ngu kona u no wonisisa ta tinene kuthavisa txizokoro txi txi ku disoni ka mkwanu.”

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.