Matewu 7:28 - Bhiblia Yo Sawuleka

²⁸ Mbimo yi Jesu a nga gwita kuwombawomba timhaka tiya, mabutho ma to xamala ngutu ngu kugondisa kwakwe.

Matewu 7:28 Referans Kwoze

Luka 4:32

Vona va ti xamala ngu kugondisa kwakwe, nguko dipswi dakwe di ti ni mtamo.

Marku 1:22

Kambe va ti xamala ngu gondo yakwe, nguko a ti va gondisa nga wu a ku ni mtamo, asi fanani ni vabhali.

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Marku 6:2

Ngako di di hokile ditshiku da Sabbata, a to khata kugondisa disinagogani, se vathu votala, va nga mu engisa, va to xamala va txi kha vona: “Timhaka tiya a ti mana hani? Mbuzivi muni wona wuwa a nga ningwa ni sixamaliso si si mahwako ngu manza akwe, kani?

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Johani 7:15

Se Vajudha ve xamala, va txi kha vona: “Awuwa a yi zivisa kutxani Mibhalo, kuve kha gonda kani?”

Matewu 22:33

Se vathu va txi mu engisa, va to xamala ngu kugondisa kwakwe.

Luka 19:48

Aniko ve tandeka kumana nzila yo ti maha eto, nguko votshe vathu va ti namarete ka mapswi akwe, va txi mu engisa.

Marku 11:18

Kambe vaphaxeli va hombe ni vabhali, ngako ve mu pfa na a txi womba tiya, va to lava marindi ya tiya va no m'dayisa tona, kambe va to mu thava, nguko dibutho dotshe di ti xamala ngu kugondisa kwakwe.

Matewu 26:1

Se ku to maheka ta ku, Jesu a di gwitile kuwomba timhaka tiya totshelele, e gela vagondiswa vakwe a txi khene:

Matewu 11:1

Ngako Jesu a di gwitile kuleletela timhaka tiya ka vagondiswa vakwe va digumi ni vambidi, a to khukha konaho e tsula a txi ya gondisa ni kutxhumayela mitini ka ditiko dawe.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

Matewu 19:1

Jesu, a di gwitile kutxhumayela timhaka tiya, a to khukha Galileya e tsula madhawani ka Judheya, mtxhatuko ka Jordhani.

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Matewu 7:29

Nguko a ti ti va gondisa kufana ni m'thu wu a ku ni wukoma, asi fani ni vabhali.

Luka 2:47

Votshe vale va nga txi mu engisa va to xamala ta tinene ngu wuzivi wakwe ni tixamulo takwe.

Luka 7:1

Ngako Jesu a di hetile kuwomba otshe mapswi akwe ka dibutho, a to wulela Kapernawume.