Matewu 7:24 - Bhiblia Yo Sawuleka

²⁴ “Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Matewu 7:24 Referans Kwoze

Johani 13:17

Ngako mi txi tiziva tiya ni ku ti thuma, mi katekile.”

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

1 Johani 2:3

Hi komba ti to ha m'ziva Tate, ngako hi txi veketa milayo yakwe.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.

Johani 14:15

“Ngako mi txi ni randa, mi na veketa milayo yangu.

Johani 15:14

Anu mi vangana vangu, ngako mi txi maha totshe ti ni mi rumako.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Johani 15:10

Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.”

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Masalmo 119:99

Na pimisa ngutu kupinda votshe vagondisi vangu, nguko ni zumba ni txi alakanya ngutu sileleto sako.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

Mavingu 10:25

Wo biha a pinda kufana ni txihuhuri, aniko mlulami a ni kutsana ko mbi gwita.

Mavingu 12:7

Vaonhi va na kanganyiswa, kambe va na fuviswa, aniko nyumba ya vo lulama yi na tsana.

Matewu 7:25

Se nzuma yi nite, minambo yi nje kutala kuva ni ndambi, txingulu txi peka ngu mtamo txitimwi ka nyumba yile, aniko kha ya wa, nguko yi aketwe txitimwi ka dirigwi.”

Matewu 7:26

“Kasi awule a engisako mapswi angu, a txi lamba ku ma maha, a fana ni m'thu wa dibhemba a nga aka nyumba yakwe ha divhunyeni.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Matewu 25:2

Aniko mtxhanu wa tona ti ti divate, se timwani ta mtxhanu i ti to txhariha.

Matewu 25:4

kasi atile to txhariha, ti to teka malambu, ti teka ni mafura kambe amu ka mabhojela.

Matewu 25:9

Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.