Matewu 7:21 - Bhiblia Yo Sawuleka

²¹ “Hi nga votshe vale va wombako kwangu va txi Mkoma, Mkoma ava va no wulela Mfumoni ka nzumani, aniko ngu wule a mahako kuranda ka Tate wangu a ku nzumani.”

Matewu 7:21 Referans Kwoze

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.

Luka 6:46

“Njani mi ni dhanako mi txi khanu: ‘Mkoma, Mkoma’, kuve kha mi mahi ti ni mi gelako tona kani?

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Vahebheru 4:6

Ngu konaho ku sate ku vamwani va txi wulela kuhumulanimo, nguko avale va nga thanga vona ve amukela mahungu amanene kha va wulela ngu mhaka ya kukanyisa kwawe.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

1 Pedro 4:2

kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.

Matewu 18:3

a txi khene: “Kha ditshuri ni khani kwanu: Ngako mi si tshumeli mi txi fanana ni vanana vavadotho, kha mi na mbi sikota kuwulela Mfumoni ka nzumani.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Marku 3:35

Nguko awu a mahako kuranda ka Txizimu, ngene i ku mwanathu ni ndiyangu ni mame wangu.”

1 Vatesalonika 5:18

Zivani kubonga ka totshe ti ti mi humelelako. Nguko, ngu tona tiya txi ti dhundako Txizimu kwanu, ngu ka Kristu Jesu.

Vaefesu 6:6

Mi nga va thumeleni dwe, ngako va txi mi wona, nga mo randa kutsakisa vathu, aniko aku mi ku sithumi sa Kristu, mahani kuranda ka Txizimu ngu yotshe mbilu.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

1 Vatesalonika 4:3

Kuranda ka Txizimu ngu kuwa: Ti to mi hanya kusawulekani, mi txi tshuralela txionho txa wugango.

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Luka 18:25

Ti nga hehuka kuwulela dikamelu ka ditshoko da txhingani, kupinda kuwulela nyatithombe Mfumoni ka Txizimu.”

Marku 9:47

Se ngako diso dako di txi kuyisa txionhoni, di thavise; ta vhuna ngutu kwako kuwulela Mfumoni ka Txizimu ni diso dimwedo, kupinda kuyiswa Gehena u di ni maso ako a mambidi;

Matewu 19:24

Na engeta ni txi mi gela ku khani: Ta hehuka ngutu kuwulela dikamelu ha ditshokoni ka txhingani, kupinda kuwulela nyatithombe Mfumoni ka Txizimu.”

Matewu 18:35

Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

Johani 15:23

Awu a ni vengelako, a vengela ni Tate wangu.

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Mtuletelo 2:27

Se a na ma dyisa ngu ndonga ya simbi ya wukoma, e ma fayetela nga tikhadi ta dibumba,

Johani 14:7

Idiku anu mo ni ziva, nga mi ndi na m'ziva ni Tate wangu; kukhukhela ka konkuwa, ma m'ziva, kambe mi mu woni.”

Johani 5:17

Aniko Jesu a to va xamula a txi khene: “Tate wangu a ngadi a txi thuma ni konkuwa, nanani na thuma.”

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Matewu 18:19

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

Matewu 25:10

Ngako tona ti di tsute kuxavani ka mafura, mteki a to bwaka, se atile ti nga ti ti lulamisete, ti to wulela nayo m'busoni ka mtxhadho; se di sekwa ditimba.